१३० केजी लागू औषधगाँजा सहित मानिस पक्राउ

शुक्रबार विशेष सुचनाको आधारमा ईलाका प्रहरी कार्यालय मनहरी मकवानपुरबाट प्रहरी निरीक्षक विनोद श्रेष्ठको कमाण्डमा खटिएको प्रहरी टोलीलेजिल्ला मकवानपुर मनहरी गाउँपालिका वडा नम्बर ८ सिमपानी स्थितपुर्व पश्चिम लोकमार्ग सडक खण्डको किनारामा लागु औषध गाँजा ४४ केजी सहित ८ जनालाई पक्राउ गरेको छ ।

पक्राउ पर्नेमा राक्सिराङ्ग गाउँपालिका वडा नम्बर २ बस्ने २२ वर्षका सुजन प्रजा, २५ वर्षका दिपक लामा , ५२ वर्षका कान्छाराम लामा, ४५ वर्षका गोपाल चेपाङ, ३१ वर्षका रतन सिंतान, ३६ वर्षका उद्धास ब्लोन , २५ वर्षका प्रेम मोक्तान र कैलाश गाउँपालिका वडा नम्बर ४ बस्ने ३४ वर्षका सिताराम सिङतान रहेका छन् ।

त्यस्तै २३ गते विहीबार मकवानपुरको मनहरी गाउँपालिका वडा नम्बर ६ मा लागुऔषध गाँजा ओसार पसार भईरहेको छ भन्ने प्राप्त सुचनाको आधारमा ईलाका प्रहरी कार्यालय मनहरी मकवानपुरबाट प्रहरी निरीक्षक विनोद श्रेष्ठको कमाण्डमा खटिएको प्रहरी रुपाचुरी जंगलमा केही मानिसहरुले बोराहरूबोकी ल्याएको अवस्थामा लागु औषध गाँजा ८६ के.जी. फेला परेको र ल्याउने व्यक्ती फरार रहेकोले खोजी कार्य भइरहेको जिल्ला प्रहरी कार्यालय मकवानपुरका प्रहरी नायब निरीक्षक ईन्द्र बहादुर रानाले बताउनुभयो ।