एनआरएनए यूके अध्यक्षमा पुडासैनी निर्वाचित

एनआरएनए यूके अध्यक्षमा राजेन्द्र पुडासैनी निर्वाचित भएका छन् ।

पुडासैनीले अध्यक्षका अरु दुई प्रतिष्पर्धी गोविन्द खरेल र मनिष खत्रीलाई पराजित गर्दै संस्थाको नेतृत्व पाएका हुन् ।

अध्यक्ष पदमा विजयी पुडासैनीले १४८२ मत प्राप्त गरे भने उनका प्रतिस्पर्धीहरु गोविन्द खरेलले ९७७ र मनिष खत्रीले ४९६ मत पाए ।

खुला उपाध्यक्षमा उज्ज्वल कार्कीले १८८४ र डा रक्षा थापाले  १७२७ मत पाएर विजयी भए ।

स्कटल्यान्डबाट प्रतिनिधित्व गर्ने उपाध्यक्षमा रामप्रसाद कंडेल       १६०८ प्राप्त गर्दै विजयी बने ।  शशी कार्की ११७४ मतसहित उपविजेता बने ।

महासचिवमा विजयी दिवाकर पाण्डेले १६६० मत पाए भने उपविजेता  पुण्य  रेग्मीले १२०१ पाए ।

खुला सचिवमा डिएन खराल १८७९ र कृष्ण देवकोटा २३०९ मतसहित विजयी बने भने भूपाल कार्की १३५६ मतसहित उपविजेता बने ।

आइसीसी सदस्यमा विष्णु खरेल २३२५, तुंगभद्र भुषाल २२०७ र छविलाल अर्याल २०१५ मत ल्याएर विजयी भए । देउमान इजम १८५३ मत ल्याएर उपविजेता बने ।

इंग्ल्यान्ड राज्य परिषद अध्यक्षमा राममाया विष्ट थापाले १०६९ मत पाएर विजयी हुँदा अहिल्या कुंवर ३ सय ४४ मतसहित उपविजेता भए ।

एनआरएनए यूके अध्यक्ष पुडासैनीले संस्थालाई अझ सदस्य केन्द्रित, जवाफदेही, समावेशी र एकवद्ध बनाउने दृढ संकल्प व्यक्त गरेका छन् ।

पुडासैनीका १० प्रतिवद्धता छन् । लिडरसीप क्राइसीसबीच संघलाई रिब्रान्डिङ, वृहत्तर राष्ट्रवाद (एक्सटेन्डेड नेशनलिजम), संस्थागत एकता सुदृढ संगठन, दुःख र आपतकालमा सहारा, युवा तथा दोश्रो पुस्तालाई एनआरएनप्रति आकर्षण, लगानी, ज्ञान र सीप हस्तान्तरण गरि सुन्दर नेपाल निर्माणमा योगदान, भूतपूर्व गोर्खा र वरिष्ठ नागरिकको सम्मान, नेपाली कला संस्कृतिको संरक्षण र पहिचान, एकपटकको नेपाली सधैंको नेपाली भएकाले मातृभूमिसंग जोडिइराख्न वंशजको नेपाली नागरिकता निरन्तरता, संघसंस्थाहरुसंगको सहकार्य, विज्ञहरुको सञ्जाल निर्माण, पुस्तान्तरण अभियान, दीगो र भरपर्दो एनआरएन, सबै नेपालीको आस्थाको पुञ्ज साझा घर नेपाल हाउस बनाउने जस्ता मुख्य एजेन्डा उनका छन् ।

एनआरएनएलाई महशुस गर्न सकिने, खोज्दा भेटिने र देखिने बनाउनु आफ्नो मुख्य लक्ष्य रहेको उनको भनाइ छ । श्रोत- नेपाली लिंक