खबर बाकस/ नेपाली कांग्रेसले चितवनका पूर्वसांसद भीमबहादुर श्रेष्ठसहित पाँच जनालाई पार्टीबाट निलम्बन गरेको छ। स्थानीय तह निर्वाचनमा पार्टीको विधान र अनुशासन विपरीत काम गरेको भन्दै कांग्रेसले श्रेष्ठसहितका चितवनका ५ नेता–कार्यकर्ताहरुलाई निलम्बन गरेको हो।
कांग्रेस केन्द्रीय कार्यालयका कार्यवाहक मुख्य सचिव प्रदीप पराजुलीका अनुसार भरतपुर महानगरपालिका–१ का पूर्वसांसद श्रेष्ठ, भरतपुर–४ का नेपाल तरूण दलका पूर्व केन्द्रीय सदस्य शम्भु प्रसाद अर्याल, भरतपुर–१६ का क्षेत्रीय प्रतिनिधि सूर्य बस्नेत, भरतपुर–२ का तरूण दलका पूर्व जिल्ला सचिव आनन्दराज राउत र भरतपुर–८ का क्रियाशील सदस्य डा. केशव पौडेललाई पार्टी सदस्यबाट निलम्बन गरिएको हो।
‘नेपाली कांग्रेसको केन्द्रीय निर्देशन एवं पाँच दलीय गठबन्धनका उम्मेदवारविरूद्ध सक्रिय रहि पार्टीको विधान र अनुशासन भन्दा बाहिर रहेर कार्य गरेको हुँदा तत्काल लागू हुने गरि पार्टी सदस्यबाट निलम्बनको लागि सिफारिस भई आएकोमा सोही अनुसार निलम्बन गरिएको छ,’ पराजुलीले भने।
यो पनि पढ्नुहोस्
नवनियुक्त प्रधानमन्त्री सुशीला कार्कीद्वारा शपथ ग्रहण
सुशीला कार्की नेपालको पहिलो महिला प्रधानमन्त्री, सपथ आजै हुने
एनआरएनए यूके अध्यक्षमा पुडासैनी निर्वाचित
एनआरएनए बेलायतको नयाँ नेतृत्वको लागी मतदान सम्पन्न
विश्व एक्वेटिक्समा नेपालका चार पौडीबाज भिड्ने
साउन २४ मा दोस्रो सिजनको एनपिएलको मिनिअक्सन
नेपाल-भारतबीच सुपुर्दगी सन्धि र कोशीमा उच्च बाँध बाधिँदैछ भन्ने सुनिएको छ-झलनाथ खनाल
