सिमभञ्याङ आसपासमा हिमपात

हेटौंडा \  बिहीबार राती देखीपरेको पानीका कारण मकवानपुरको उत्तरी क्षेत्र सिमभञ्याङ र दामन आसपासको क्षेत्रमा हिमपात भएको छ।

अविरल बर्षसँगै हिमपात हुदा त्रिभुवन राजपथ अवरुद्ध बनेको इलाका प्रहरी कार्यालय पालुङका प्रहरी निरीक्षक श्रीराम तिमल्सिनाले बताएका छन।

१ फिट भन्दा बढी बाक्लो हिमपात भएको र राजपथ अवरुद्ध बनेको र थाहानगरपालिका र सडक डिभिजन कार्यालयसँग समन्वय गरेर अवरुद्ध सडक खुलाउने प्रयास भइरहेको जनाइएको छ।

आज भएको हिमपातसँगै यस वर्ष उक्त क्षेत्रमा हिमपात भएको तेस्रो पटक हो।