प्रतिकुलका साथ वित्यो मेरो कार्यकाल: पौडेल

खबरबाकस \ बागमती प्रदेशका निवर्तमान मुख्यमन्त्री डोरमणी पौडेलले आफु मुख्यमन्त्री भए पछि विभिन्न प्रतिकुल अवस्थामा रहि सरकार चलाएको बताएका छन् । बागमती प्रदेशको मुख्यमन्त्रीबाट बहिर्गमनपछि आयोजित पत्रकार सम्मेलनमा बोल्दै उनले आफ्नो नेतृत्वको सरकार चलाउदाँ कहि अन्तर विरोध र असहमताका बीच सञ्चालन गरिएको बताए ।

४२ महिना (३ वर्ष बढी) बागमती सरकारको नेतृत्व गरिरहदाँ राष्ट्रिय राजनिति अर्कै ट्रयाकमा पुगेको बताउदैं उनले परमादेशबाट जननिर्वाचित प्रधानमन्त्री परिवर्तन गरिनु, नेकपा एमाले ठुलो पार्टी रहदाँ रहदैं पनि केहि व्यक्तिले विस्तापित गर्न खेल खेल्नुले पार्टीलाई एकताबद्ध र गुट विनाको पार्टी बनाउनको लागि आफुले पद छाडेको दावी गरेका छन् । पार्टीको भावना र जनताको जनमतलाई कदर गर्दै मुख्यमन्त्री पद छोडेको उनले बताए । केन्द्रीय अध्यक्ष केपि शर्मा ओली सँगको सम्वाद पश्चात पद छाडेको हुँ अब एमालेकै सरकार प्रदेशमा बन्नेछ भन्दै गुटको नाम निशाना नहुने हामी सबै नेकपा एमालेमै रहेको बताएका थिए ।

सरकारमा व्यक्ति परिवर्तन भएको तर सिद्धान्त, नीति, विचार र प्रणाली एउटै भएकोले अबको सरकार एमालेकै रहने बताएका हुन् ।

उनले नेतृ शाक्यसँग बीचमा अनतर विरोध भएता पनि उहाँ नेपाल समूह छाडेकाले हामीबीच सहमती भएकोले मुख्यमन्त्री दिएको पौडेलले बताए । कम्युनिष्ट आन्दोलन विखण्डनमा लैजाने काम गरिएकोले फुटबाट पार्टी जोगाउन आवश्यक तयारी गरिएकोले एकै दिन सबै काम गरिएको बताए ।

हेटौंडामा विकासको काम

आफु मुख्यमन्त्री भएपछि हेटौंडामा आमुल परिवर्तन भएको बताएका छन् । उनले हेटौंडालाई प्रदेशको स्थायी राजधानी राखिनुका साथै स्वास्थ्य क्षेत्रमा आमुल परिवर्तन, मुख्यमन्त्री स्वास्थ्य कार्यक्रम लागू, मदन भण्डारी स्वास्थ्य विज्ञान प्रतिष्ठानको स्थापना, सिटिइभिटी भवन निर्माण, गौरीटार रंगशाला निर्माण, प्रदेश भित्रका अस्पतालमा उपचार पद्धतिमा परिवर्तन लगाएतको काम गरेको पौडेलले दावी गरे । उनले प्रदेशमा दुग्ध पाउडर प्लान्ट स्थापना र कृषि थोक बजार स्थापना गरिन लागेको बताए ।

निवर्तमान मुख्यमन्त्री पौडेलले प्रतिकुलताबीच पनि साढे ३ वर्ष काम गर्दा असन्तुष्ट हुनुपर्ने कुनैपनि कारण नरहेको भन्दै गर्दै अरु प्रदेशको भन्दा बागमती प्रदेशमा बढी काम भएको बताएका थिए ।