संक्रमितको घर डिसइनफेक्सन गर्ने काम सुरु

विश्वभरी फैलिरहेको कोरोना भाईरस कोभिड १९ संक्रमित भै आफ्नै होम आइसोलेसनमा बसिरहेका आर्थिक अवस्था कमजोर भएका संक्रमितहरुको घरमा पुगेर डिसइनफेक्सन गर्ने काम नेपाल स्काउटले गरेको छ । विहीबार हेटौंडा लेडी जेसीजको आयोजना, तथा नेपाल स्काउट बागमती प्रदेशको  सहकार्यमा र स्काउट हेटौंडा उपमहानगर समितिको सहयोगमा सबैभन्दा बढी हेटौंडा ४ वडामा कोभिड संक्रमितको घरघरमा पुगेर डिस्इनफेक्ट गरिएको हो।

हेटौंडा ४ नम्बर वडाको अध्यक्ष नवीन सिग्देलको प्रमुख आतिथ्यतामा सामाग्री हस्तान्तरण गरिएको थियो । निभव पोलि क्लिनिकका डा नरेन्द्र कुमार झा बाट २५ लिटर औषधि ,२ थान वासेबल पिपिइ यसै गरि मकवानपुर भेट एण्ड डाइग्नोसिस सेन्टर हेटौंडा ७ बाट ५ लिटर औसधि गरि ५० हजार बराबरको औषधि उपलब्ध गराएका थिए । र आवश्यकता अनुरुप उपलब्ध गराउदै जाने जेसीज अध्यक्ष प्रतिमा श्रेष्ठले बताइन।

कार्यक्रममा नेपाल स्काउट बाग्मती प्रदेश सदस्य अशोक सारु मगर,  हेटौडा लेडी जेसीजका पूर्व अध्यक्ष रश्मि बस्नेत , हेटौंडा जेसिजका अध्यक्ष लिसेन बस्नेत, नेपाल स्काउट हेटौंडा उपमहानगर समिति संयोजक दिपेन्द्र रोक्का, नेपाल स्काउट बाग्मती प्रदेश सदस्य असोक सारु मगर तथा जेसिजका पदाधिकारीहरुको उपस्थित रहेको थियो । उक्त कार्यक्रम मन्जु मैनालीको संयोजकत्वमा भएको थियो।