नेपालमा थप ५११ जनामा कोरोना पुष्टि

काठमाडौं \ पछिल्लो २४ घण्टामा देशभर थप ५११ जनामा कोरोना भाइरस संक्रमण पुष्टि भएको छ । बुधबार स्वास्थ्य मन्त्रालयद्धारा सार्वजानिक विवरणमा हालसम्म कुल संक्रमितको संख्या २ लाख ६० हजार ५९ पुगेको छ ।

यस्तै पछिल्लो २४ घण्टामा ६ सय जना कोरोना संक्रमण मुक्त भएसँगै निको हुनेको कुल संख्या २ लाख ५१ हजार ९१२ पुगेको छ । यसैगरी देशभर सक्रिय संक्रमितको संख्या ६ हजार ३ सय जना रहेको छ ।

यसैगरी पछिल्लो २४ घण्टामा थप ७ जनाको कोरोनाबाट मृत्यु भएको छ । यससँगै मृतकको कुल संख्या १ हजार ८४७ जना पुगेको छ ।