युनिलिभर नेपालद्धारा अक्सिजन कन्सन्ट्रेटर सहयोग

हेटौंडा ३ बसामाडीमा रहेको युनिलिभर नेपाल लिमिटेडले १५ थान अक्सिजन कन्सन्ट्रेटर सहयोग गरेको छ ।

सोमबार जिल्ला प्रशासन कार्यालय परिसरमा प्रमुख जिल्ला अधिकारी भरतमणि पाण्डेलाई उक्त मेसिन हस्तान्तरण गरिएको हो ।

उक्त मेशिन युनिलिभरका कम्पनी म्यानेजर नितिन जैन, एचआर म्यानेजर नितिन रानाले प्रजिअ पाण्डेलाई हस्तान्तरण गरेका थिए । हस्तान्तरण कार्यक्रममा युनिलिभर कर्मचारी युनियनका अध्यक्ष लालकृष्ण प्याकुरेल, जयराम धिताल प्रशासनका कर्मचारीहरुको उपस्थिती रहेको थियो ।

यस अघि युनिलिभरले नागस्वती शहरी स्वास्थ्य केन्द्रलाई स्वास्थ्य सामाग्री सहयोग गरिसकेको एचआर अपिसर कुशल थापाले बताए ।

अक्सिजन कन्सन्ट्रेटर मेशिन प्रजिअ पाण्डेले हेटौंडा अस्पतालका अध्यक्ष राजेश प्रसाईंलाइ हस्तान्तरण गरेका छन् ।

युनिलिभरले हस्तान्तरण गरे लगत्तै अस्पताललाई बुझाइएको हो ।