बागेश्वरी महिला सहकारीको साधारण सभा सुरु

हेटौंडा उपमहानगर वडा नम्बर ११ मा रहेको बागेश्वरी महिला बचत तथा ऋण सहकारी संस्थाको १२ औं वार्षिक साधारण सभा तथा पाँचौं निर्वाचन बुधबारबाट सुरु गरिएको छ ।
कोभिड १९ को कारण आज बाट सुरु गरिएको साधारण सभा विभिन्न चरण गरि १७ गते समापन हुने संस्थाका अध्यक्ष शर्मिला श्रेष्ठले बताईन्, ।

आज वडा सदस्य जुना दाहालको प्रमुख अतिथ्यतामा सभाको उद्घाटन गरिएको छ । निर्वाचन वर्ष समेत रहेकाले आजै उम्मेदवारी दर्ता गर्ने र अन्तिम नामावली प्रकाशन गरिने अध्यक्ष श्रेष्ठले जानकारी गराईन्, । १ करोड ६६ लाख २० हजार आठ सय शेयर पुँजी रहेको संस्थाले आफ्नो शेयर सदस्यलाई ११ करोड ७२ लाख, ४५ हजार ऋण लगानी गरेको छ ।

कार्यक्रममा जिल्ला सहकारी संघका व्यवस्थापक गोविन्द दहाल, ग्रामिण महिला सेवा केन्द्रका सचिव अचला शर्मा, संस्थाका लेखा समितिका संयोजक सीता सापकोटा लगायतको अतिथ्यता रहेको थियो । संस्थाका अध्यक्ष शर्मिला श्रेष्ठको सभाध्यक्षतामा उद्घाटन कार्यक्रम भएको थियो ।