मनले मनको कुरा गर्दा

रुकु ढुङ्गाना, मकवानपुरगढी

---

मनले मनको कुरा गर्दा

सुनसान रातमा त्यो आकाशको तारा हेर्दै म आफैँमा हराएको छु
यो मनमा गुम्सिएका कति कुरा तिमीलाई भन्न डराएको छु ।

सपनीमा देख्छु तिमीलाई केही नबोली मलाई हेर्दै तिमी रोएको
कतै बिसन्चो पो छौ की भनी म झस्किएर कराएको छु ।

मुटु देखी नै माया गर्छु तिमीलाई आफु भन्दा धेरै धेरै
साच्चै तिमी मान या नमान तिमीलाई मनबाटै मन पराएको छु ।

तिम्रै साथ साथमा रहन्छु तिमिसँगै जिवनभर
तिम्रो मिठो बोली मुस्कान मै आफ्नु दुःखहरू भुलेर रमाएको छु ।

 

---

 

जान्न मन छ आज भोलि यो मन किन यस्तो हुन्छ
कोही छ जसलाई कुनै दिन नदेख्दा यो मन छट्पटी हुन्छ ।

जब देख्छु उसलाई मुस्कुराउँदै बोलेको त्यो शब्दहरूले यो मन छुन्छ
कहिले उदास देख्छु बिसन्चो पो छौ की भनी यो मन रुन्छ ।

उसलाई केही होला की भन्ने घरी घरी यो मनमा चिन्ता बढदै जान्छ ।
कहिले काँही अरु सँग खुशी भएर बोलेको देख्दा

कतै म पराई भएछु भनी यो मन दुख्छ ।
कस्तो अचम्म जान्न मन छ आज भोलि

यो मन किन यस्तो हुन्छ
हरेक कुराको सामना गर्न सक्ने यो मन सानो सानो कुराले पनि ठेस पुग्छ ।