विभियाना फाउन्डेसन मार्फत बालमन्दिरमा झोला वितरण

हेटौंडा \ हेटौंडाका समाजसेवी तथा युवा व्यवसायी विकेशलाल श्रेष्ठ र उनको परिवारले भिमफेदीमा रहेको बालमन्दिर(बाल गृह)मा रहेका बालबालिकालाई झोला वितरण गरेका छन।

श्रेष्ठले आफ्नी छोरी विभियानाको नाममा दर्ता गरेको 'विभियाना फाउन्डेसन' मार्फत भिमफेदी-६ मा रहेको बाल मन्दिर(बाल गृह)मा आश्रित ३१ जना बालबालिकालाई झोला वितरण गरिएको हो।

नेपाल बाल संगठन केन्द्रीय अध्यक्ष विद्या न्यौपानेको प्रमुख आतिथ्यता र भिमफेदी गाउँपालिका उपाध्यक्ष पार्वती रानाको विशेष आतिथ्यतामा बालबालिकालाई पैसा चिनाउने उदेश्यका साथ फाउन्डेसनले बालमन मार्केट कार्यक्रमको आयोजन गर्दै ३१ जना बालबालिकालाई २५ हजार बराबरको झोला वितरण गरेको हो।

दशै तिहार छठ तथा ल्होसार पर्वको अवसरमा नेपाल बाल संगठन मकवानपुरको आयोजनमा झोला वितरण गरिएको श्रेष्ठले बताए। उक्त कार्यक्रममा नेपाल बाल संगठन केन्द्रीय सदस्य दिलु घर्ती,संगठन मकवानपुर अध्यक्ष अशोक सारु मगर लगायत स्थानीय समाजसेवीहरुको उपस्थिति रहेको थियो।