हेटौंडा \  एमाले मकवानपुर नेता खेमराज सापकोटासहित ७ जना कांग्रेस प्रवेश गरेका छन् । कांग्रेस प्रवेश गर्नेमा एमाले जिल्ला सदस्य कृष्णप्रसाद ढुंगाना, रामजी घिमिरे, गाउँ कमिटी सदस्य देवराज सापकोटा, एमाले संगठित सदस्य तिर्थराज हुमागाई र जिल्ला सचिवालय सदस्य तथा युवा संघका केन्द्रीय सदस्य रामचन्द्र रेग्मी रहेका छन् ।

उनीहरूलाई नेपाली कांग्रेस बागमती प्रदेश संसदीय दलका नेता एवं मकवानपुर सभापति इन्द्रबहादुर बानियाँले पार्टीको सदस्यता प्रदान गरेका छन् । प्रवेश कार्यक्रममा नगरसभापति आनन्दराम पराजुली, हेटौंडा-६ का वडा अध्यक्ष अर्जुनप्रसाद चौलागाईं, नेताहरू उत्सव इटेनी, विष्णु खनाल लगायतको उपस्थिति रहेको थियो ।