चितवनमा विद्यार्थीलाई स्वीटर वितरण
संवाददाता
चितवन \ चितवनमा क्रियाशिल २ वटा लायन्स क्लबहरुले आज एक कार्यक्रमका बीच श्री आधारभुत बिद्यालय मोहनपुरमा अध्ययनरत बिद्यार्थीलाई स्वीटर बितरण गरेका छन् ।
बिभिन्न सामाजिक तथा मानबिय कार्य गर्दै आएका लायन्स क्लब अफ चितवन नवलपुर सम्बृद्धि र लायन्स क्लब अफ चितवन चौतारीले बिद्यालयमा अध्ययनरत १०० जना बिद्यार्थीहरुलाई स्वीटर बितरण गरेका हुन् । आज रु ५० हजार रुपैया बराबरको स्वीटर बितरण गरिएको कार्यक्रम संयोजक डा शुसिल अधिकारीले जानकारी दिनुभयो ।
कार्यक्रमको प्रमुख अतिथि रहेका भरतपुर महानगरपालिका वडा नं १६ का वडा अध्यक्ष अमृतराज हमाल हुनुहुन्थ्यो । वहाँले न्यून आय अएका अभिभावकका नानी बाबुहरु अध्ययन गर्ने बिद्यनलयलाई छनोट गरी सहयोग गरेकोमो लायनहरुलाई धन्यवाद ब्यक्त गर्दै लायनहरुसँग अरु धेरै कार्यक्रम गर्न आफु ईच्छुक रहेको बताउनुभयो ।
लायन्स क्लब ईन्टरनेशनल डिष्ट्रिक ३२५ बि २ नेपालका प्रथम भाईस डिष्ट्रिक गर्भनर लायन रामप्रसाद भट्टले स्थानिय सरकारसँग मिलेर आफुहरुले काम गर्ने बताउनुभयो । वहाँले स्थानिय स्तरबाट आवश्यकताको छनोट भएर आएको कामले परिणाम दिने भएकाले यस्ता काम गर्न पाउदा लायनहरुले गौरवको महसुस गर्ने बताउनुभयो ।
कार्यक्रममा लायन्सका डिष्ट्रिक डिपाटमेन्ट चिफहरु भक्तीप्रसाद चालिसे, भरत अधिकारी, एरिया नं ३ का चिफ एरिया को–अडिनेटर प्रभाकर पण्डित, एरिया नं ३ का एरिया सचिब पूर्णप्रसाद शर्मा, जोन चियर पर्सन बिनोद पन्त, लायन्स क्लब अफ चितवन चौतरीका अध्यक्ष डा. गंगा सापकोटाको उपस्थित थियो ।
