माडीमा लागु औषध नाइट्राभेट ट्याबलेटसहित एक युवक पक्राउ

माडी \ इलाका प्रहरी कार्यालय माडीको टोलीले आज नियमित चेकजाँचको क्रममा लागु औषध नाइट्राभेट ट्याबलेट सहित एक युवक पक्राउलाई पक्राउ गरेको छ।

माडी नगरपालिका ३ रतनी निवासी १९ बर्षीय सुजन शाहलाई १४१ ट्याबलेट नाइट्राभेट सहित माडी नगरपालिका १ बरुवाबाट पक्राउ गरीएको इलाका प्रहरी कार्यालय माडीका प्रहरी प्रमुख झलक शर्माले जानकारी दिनुभयो। पक्राउ परेका शाहलाई आवश्यक कारवाहीको लागि जिल्ला प्रहरी कार्यालय भरतपुर चितवनमा पठाएको शर्माले बताउनुभयो ।

प्रहरी प्रमुख शर्माले युवाहरुमा सानो उमेर देखि नै कुलत एवं लागुऔषधमा फस्नु समाज र राष्ट्रका लागि ठुलो चिन्ता र चुनौतिको बिषय भएको भन्दै हरेक अभिभावकहरुले आफ्नो सन्ततिको गतिविधिहरु बारेमा ध्यान दिनु पर्नेमा जोड दिनुभयो । साथै उहाँले समाजमा यस्ता गैरकानुनी एवं अशान्ति मच्चाउने खालका क्रियाकलापहरु भए गरेको थाहा पाएमा नजिकको प्रहरी कार्यालयमा खबर गर्न आग्रह गर्नुभयो।