चितवन कांग्रेसको उपाध्यक्षमा पौडेल र न्यौपाने, सचिबमा अर्याल र पोख्रेल विजयी
संवाददाता
नेपाली कांग्रेस चितवनको १४ अधिवेशनबाट उपाध्यक्षमा शालिग्राम शर्मा पौडेल र राजिब न्यौपाने बिजयी भएका छन भने सचिबमा सूर्य अर्याल र ध्रुवराज पोख्रेलले जीत हासिल गरेका छन। आईतबार राती र सोमबार गरी २ दिनमा सकिएको पदाधिकारीहरूको मत गणनाबाट सह-सचिबमा गोपाल दराई र दिनेस अधिकारी निर्बाचित भएका छन।
उपसभापतिमा कडा प्रतिस्पर्धा हुँदा पौडेल र न्यौपानेले बाजी मारेका हुन । न्यौपाने यसअघि कांग्रेस चितवनको सचिव थिए । दुई जना उपसभापतिका लागि १५ जना प्रतिस्पर्धामा थिए ।
यस्तै दुई जना सचिवका लागि ८ जना प्रतिस्पर्धामा उत्रिएका कांग्रेस चितवनको सचिवमा अर्याल र पोखरेल निर्वाचित भएका हुन । यसैगरी २ सह–सचिव पदका लागि १० जना प्रतिस्पर्धामा थिए ।
नेपाली कांग्रेस चितवनको सभापतिमा भने राजेश्वर खनाल निर्बाचित भएका छन। बाँकी सदस्यहरूको मतगणना आज राती ८ बजेबाट शुरू भएको नेपाली कांग्रेस चितवनका निबर्तमान सभापति जीत नारायण श्रेस्ठले जानकारी दिए।
